Atletiekafrigting is van ʼn hoë standaard en atlete word vanaf September tot April aan verskeie byeenkomste blootgestel. Die binnenshuise tartanbaan dien vir spoed-, vêr- en driesprongoefeninge.

Tydens vanjaar se kleureatletiek is nege bestaande rekords verbeter. Die Senior Victor Ludorum, met ʼn totaal van 2136 punte, is deur Russell Pratt ingepalm. Blayne Primo is vanjaar se Junior Victor Ludorum. Oor drie items versamel hy 2023 punte volgens die ASA-tabel in.

Die interskole-atletiek het in snikhete weer plaasgevind, maar dit was die Oakdalers wat vanaf die eerste item die botoon gevoer het. Oakdale wen die onderskeie afdelings met die volgende puntetellings:

 

 

OAKDALE

BOLAND

o.14

164

122

o.15

239

134

o.17

215

158

o.19

212

162

TOTAAL

830

576

 

Die Oakdale-atlete is as die beste presteerders in vyf van die agt afdelings aangewys nl. Die o.14-, o.15- en o.17-baanitems en die o.17- en o.19-velditems.

Na afloop van die SWD Hoërskole-atletiekkampioenskap, is agtien atlete in die Wes-Kaapspan opgeneem.

Die atlete het aan een-en-dertig items tydens die Wes-Kaap-atletiekbyeenkoms deelgeneem. Michael Cronjé en Blayne Primo is in die Wes-Kaapspan wat aan die SA-Skolekampioenskap deelgeneem het, opgeneem.

Oakdalers wen vyf van die agt afdelings tydens die Interskole-atletiekkragmeting.
Blayne Primo en Michael Cronjé. Wes-Kaapspan vir deelname aan die SA-Skolekampioenskap
Russell Pratt

 

Russell Pratt het ʼn bronsmedalje by ASA-Jeugkampioenskap in die 10 km stap verwerf. Sy tyd was 51:45.0