Oakdale beskik oor twee goedtoegeruste muurbalbane gerieflik langs die koshuis geleë. Muurbal is ʼn uiters gewilde sportsoort en ses muurbalspanne neem aan die SWD-liga deel. Baie leerders begin op Oakdale met muurbal as een van hul wintersportsoorte.

Elf leerders het vanjaar SWD gedurende die SA-Plattelandtoernooi verteenwoordig. Na afloop van die toernooi word ses Oakdalers in die SA-Plattelandspan opgeneem.

Agter: Zander Raubenheimer (o.14, reserwe), Jandré van Zyl (o.16) en Hanro Strauss (o.18, reserwe). Voor: Jan Ernst Brink (o.16, reserwe), Rikus van Zyl (o.16) en Henu Pretorius (o.14).