Rugby is die gewildste sportsoort op Oakdale en die skool is landwyd welbekend vir kragmetings teen die grootste rugbyskole. Die skool huisves negentien rugbyspanne en alle spelers ontvang kwaliteit afrigting.

Die o.19A-span is ook een van die SA Top 20 skole wat jaarliks genooi word vir deelname aan die gesogte Wildeklawer-toernooi in Kimberley.

Die Hoër Landbouskool Oakdale kan tereg gesien word as die “rugby-spens” van die Suid-Kaap en spog vanjaar met nie minder nie as nege-en-twintig SWD-spelers in die drie SWD hoërskoolspanne. In die o.18-Cravenweekspan is daar twaalf- en in die o.18-Akademiespan ses Oakdalers ingesluit. Vir die o.16-Grant Khomoweek sal daar vanjaar elf Oakdalespelers uitdraf.

Oakdale beklee tans die 5de en 7de plek op verskeie webtuistes wat die provinsiale rangorde van skolerugby in SA aantoon.Oud-Oakdalers speel tans vir verskeie provinsiale Curriebekerspanne, terwyl JT Jackson vir die Junior Bokspan uitdraf en CJ Stander deel is van die begin XV-tal van die Ierse Nasionale span. Verskeie spelers speel tans vir buitelandse klubs in Frankryk, Ierland en Amerika.Springbokke soos Pedrie Wannenburg, Johann Muller en Meyer Bosman se voetspore lê ook op die Oakdale plaas.

o. 18 Cravenweek Agter: Daniel Victor, Alex Wallace, Dian Bleuler , Jay-Cee Nel, Jaco Smit, WP van Heerden en Nicolai Weber. Middel: Mnr. Adriaan Jansen (Biokinetikus), Xavier Swartbooi, Darren Adonis, André Posthumus, Nicolus van Eeden en Zinedine Booysen. o.18 Akademieweek Voor: Ruan Lamprecht, Stiaan Wasserman, JC Lourens, Lian du Toit, Marko van der Merwe en Mikyle Roelfse.
o.16 Grant Khomoweek Agter: Hanu Heunis, Janco Klinck, Le Roux Pepler , Henco Beukes, Trevino Gordon, Hannes Gous en Keano Hendricks. Voor: Clyde Lewis, Pieter Maritz, Whakeen Taute en Magnus Muller. Die kapteins van al drie spanne is ook uit die geledere van die Oakdalers aangewys.
WP van Heerden (o.18-Cravenweekspan), Marco van der Merwe (o.18-Akademiespan) en Le Roux Pepler (o.16-Grant Khomospan).
Stiaan Wasserman o.19A, oopkantflank – klein botteltjie, groot gif!
Vernon Paulo werk sy pad vorentoe oop vir die Bulle se o.15A-span.
Albert Muller, skrumskakel o.19D, breek vlymskerp langs die kantlyn af.