Moeite word met skaak gedoen om aan leerders die geleentheid tot verwerwing van provinsiale kleure te bied vir deelname aan nasionale toernooie.

Oakdale het vanjaar vir die eerste keer aan die topskoletoernooi deelgeneem. Die o.15-span het bestaan uit Griffen Slabbert, Henk Smit, MJ Maraisi, Gustav Smit, FC Gerber, Adriaan de Bruyn en Joubert Gerber (reserwe). Die span het as wenners uit die Hessequastreek getree en ʼn derde plek in die Edenstreek behaal.

Drie o.16-skaakspelers, Adriaan de Bruyn, MJ Marais en Griffin Slabbert is genooi na die Eden SSO-skaaktoernooi. Na afloop van die laaste Edentoernooi is MJ Marais in die o.16-Edenskoleskaakspan opgeneem. MJ gaan in Januarie aan die SA-SSA-toernooi deelneem.

Adriaan de Bruyn, Gustav Smit, Joubert Gerber, Griffin Slabbert, Henk Smit, FC Gerber en MJ Marais.