Sosiale geleenthede staan vas op die Oakdale-kalender. Die skool bied aan leerders die geleentheid om sosiale vaardighede aan te leer en uit te leef.

VALENTYNSBAL

Jaarliks word die immergewilde Valentynsbal aangebied en word die meisies van heinde en ver aangery om die seuns te vergesel. Hier kan die Oakdalers hul “gentlemanship” aan die skoner geslag demonstreer.

Mej. Oakdale word ook tydens hierdie geleentheid verkies. Sy sal die skool  tydens die interskolekragmeting in Augustus as sjampanjenooi verteenwoordig.

Mej. Oakdale 2016
Liza Gerber (eerste prinses), Adré Roux (Mej. Oakdale) en Kara Strydom (tweede prinses).
Mej. Oakdale 2016 Liza Gerber (eerste prinses), Adré Roux (Mej. Oakdale) en Kara Strydom (tweede prinses).

JUNIORBAL

By die Junior Bal is die jong bulletjies glad nie sku vir die dansvloer nie.

MATRIEKAFSKEID

Die hoogtepunt in elke leerder se skoolloopbaan – die Matriekafskeid! Oakdale ontvang graag die skoner geslag en die galante here dra hul metgeselle op die hande.

SKUURDANS

Nuut op die kalender is die skuurdans – ons maak net seker die seuns leer dat ʼn skuur voorwaar meer is as net ʼn stoorplek….