Riversdal is geleë in die hartjie van ʼn suiwelstreek. Die afdeling word bestuur deur die suiwelbestuurder, mnr. Hennie Uys. Die skool beskik oor sy eie geregistreerde Jersey-kudde en word daar gemiddeld 320 Jerseys daagliks gemelk. Die melkstal is onlangs opgegradeer met van die nuutste rekenaartoerusting ten einde effektiewe onderrig aan te bied. Hier word o.a. opleiding aangebied in finansiële-, weiding- en kuddebestuur, kunsmatige inseminasie en vele meer. Oakdale is baie trots op sy Jersey-kudde.