Oakdale beskik oor sy eie tennisakademie, ondersteun deur mnr. Wimpie Helmand van die Overberg Tennisakademie. Verskeie oefengroepe oefen reg deur die wintermaande om Oakdale-tennis op ʼn uiters hoë platform te plaas. Spreiligte op drie van die ses tennisbane dra daartoe by dat oefensessies ook saans aangebied word.

Oakdale neem jaarliks deel aan die Tjaart Vorster-tennistoernooi op Cradock en het vanjaar derde uit tien deelnemende skole geëindig.

Tydens die o.15 Boland Landbou-toernooi wen Oakdale drie van die vier wedstryde. Stefan Marais en Hendrik Victor wen al hulle wedstryde.

By SATA-toernooi het Willem Wessels in die o.16-afdeling die eerste- en tweede gekeurde spelers geklop. Duther Theron word as die o.14-kampioen gekroon.

Willem Wessels, mnr. Wimpie Helmand (afrigter) en Duther Theron. Oakdale verteenwoordig SWD-tennis vanjaar in drievoud, terwyl Willem Wessels ook in die o.19 SWD-groep ingesluit is vir deelname aan die interprovinsiale toernooi.
Willem Wessels (SWD o.17 no. 1), Derick Jooste (SWD o.17 no. 4) en Henk Smit (SWD o.15 no. 6).