Die Oakdale-Akkerfees is die een groot fondsinsamelingsprojek wat die skool jaarliks gedurende Mei / Junie aanbied. Hierdie fondsinsamelingsprojek is ‘n “ons-projek” wat ouers, oud-ouers, oudskoliere, leerders en die personeel insluit. Die Akerfeesnaweek sluit gewoonlik ‘n Akkerfeesdans op die Vrydagaand in asook ‘n groot sportdag op die Saterdag waartydens die rugbyspanne almal in aksie is. Hierdie naweek is ‘n Oakdale-gesinsnaweek en kom almal met Oakdale-verbintenis van wyd en syd om die fees by te woon.

Die Oakdale-Plaasmark.

Keurige vars produkte het gewissel van die tradisionele vleisverkope, groente & vrugte tot bosse vars fynbos, kase, heuning, gedroogde vrugte en vele meer. Alle produkte wat tydens die Plaasmark te koop aangebied was, is as skenkings ontvang van lojake Oakdale-ondersteuners. Verseker ‘n “Ons projek – ons sukses”!