Gholf

2024

Oakdale het in 2024 ʼn baie goeie jaar op die gholfbaan beleef. ʼn Groep spelers wat in die verlede reeds belofte getoon het, het in hierdie seisoen hul stem in verskeie kompetisies, dik gemaak. Daarmee saam het ʼn groepie talentvolle spelers na vore getree. Oakdale het die seisoen afgesluit met drie spanne (18 spelers) wat in die interskole-kragmeting gespeel het. Oakdale het ongelukkig die knie teen Boland Landbou in baie moeilike omstandighede gebuig.

Die hoeveelheid leerders wat tans gholf speel, het drasties oor die afgelope paar jaar gegroei en daar is tans ‘n aktiewe ledetal van 30 leerders.

Die 1ste-span het skitterende vertonings in die Suid-Kaap Liga gelewer. Ons het teen verskeie skole meegeding en deurgedring na die Liga-finaal op Oubaai. In hierdie finaal het Oakdale `n algehele 3de plek behaal.

Spesiale melding kan gemaak word vir uitstekende tellings wat deur die loop van die seisoen aangeteken is. Oakdale gaan in die volgende liga `n span wees om mee rekening te hou.

Ons bedank graag Klein Karoo Saadproduksie vir die borgskap van die spanne se uitrustings.

2023

Oakdale het in 2023 ʼn baie goeie jaar op die gholfbaan beleef. Oakdale het die seisoen afgesluit met drie spanne (18 spelers) wat in die interskole-kragmeting gespeel het. Die hoeveelheid leerders wat tans gholf speel, het drasties oor die afgelope paar jaar gegroei en daar is tans ‘n aktiewe ledetal van 30 leerders.

Die 1ste-span het skitterende vertonings in hul kragmeting teen Framesby gelewer en met 4.5 wedstryde teen 1.5 gewen. Die 2de-span het ook vir die eerste keer teen Framesby gespeel en ‘n oorwinning van 6 wedstryde teen 0 behaal. Die 1ste-span het ongelukkig teen Outeniqua op Kingswood gholfbaan in Mei-maand verloor. Die hoogtepunt van die gholfseisoen was die oorwinning teen Boland Landbou op Riversdal-gholfbaan. Die derdespan het tydens hul interskole-kragmeting, met 6 wedstryde teen 0 gewen. Die tweedespan het ook met 6 wedstryde teen 0 gewen, terwyl die eerstespan met 4 wedstryde teen 2 ‘n oorwinning behaal het.

Die eerste-, tweede- en derdespan het ook aan die Langebergstreek van die Eden Hoërskole Gholfunie, deelgeneem. Tydens hierdie Langebergstreek-liga het Oakdale teen verskillende skole gekompeteer. Hierdie skole sluit in: Hoërskool Punt en -Langenhoven. Melding kan gemaak word van besondere tellings wat gedurende die seisoen deur verskeie spelers, naamlik Hennie Keyser en Zak van Heerden, behaal is. Gedurende hierdie vyf ligawedstryde het Oakdale in twee hiervan, oorwinnings behaal.

Ons bedank graag Klein Karoo Saadproduksie vir die borgskap van die spanne se uitrusting, asook aan The Proshop Somerset-Wes vir die borg van die eerstespan se nuwe oortrektruie.

Ons sien uit na die 2024-seisoen.

A-Span

B-Span