Gholf

2025

Oakdale se gholfspelers het hierdie jaar ‘n baie goeie jaar op die gholfbaan beleef. Hulle het in meeste van die tyd bo die ander skole uitgestyg en het slegs in twee van hulle gholfspelle vasgeval.

Oakdale se interskolespan het vanjaar uit 24 spelers bestaan. Die eerstespan het Boland Landbou   6 – 0 geklop en was ook die algehele wenners van die dag.

Jean-Prieur du Plessis, ‘n graad 8-leerder, het die Provinsiale-span gehaal en ook volkleure verwerf. Hy het baie goed op provinsiale vlak presteer.

2025 was ‘n baie goeie jaar vir Oakdale-gholf. Ons hou vanjaar reeds proewe vir die 2026-groep en sien baie uit na wat hulle gaan oplewer!

2024

Oakdale het in 2024 ʼn baie goeie jaar op die gholfbaan beleef. ʼn Groep spelers wat in die verlede reeds belofte getoon het, het in hierdie seisoen hul stem in verskeie kompetisies, dik gemaak. Daarmee saam het ʼn groepie talentvolle spelers na vore getree. Oakdale het die seisoen afgesluit met drie spanne (18 spelers) wat in die interskole-kragmeting gespeel het. Oakdale het ongelukkig die knie teen Boland Landbou in baie moeilike omstandighede gebuig.

Die hoeveelheid leerders wat tans gholf speel, het drasties oor die afgelope paar jaar gegroei en daar is tans ‘n aktiewe ledetal van 30 leerders.

Die 1ste-span het skitterende vertonings in die Suid-Kaap Liga gelewer. Ons het teen verskeie skole meegeding en deurgedring na die Liga-finaal op Oubaai. In hierdie finaal het Oakdale `n algehele 3de plek behaal.

Spesiale melding kan gemaak word vir uitstekende tellings wat deur die loop van die seisoen aangeteken is. Oakdale gaan in die volgende liga `n span wees om mee rekening te hou.

Ons bedank graag Klein Karoo Saadproduksie vir die borgskap van die spanne se uitrustings.

A-Span

B-Span