DUBBEL SO LEKKER

Die multisport kompetisie met dissiplines vir swem en hardloop op verskillende tye, maar op dieselfde dag, maak dat die Bulle se tweekampspan ʼn Sprinterbussie vol maak om deel te neem. Aan entoesiasme en toewyding kom niks kort nie.

Ses leerders trek die Eden-sweetpak aan om aan die SA Tweekampkampioenskap deel te neem. Markus Viljoen, Roelof le Grange en Hanré Jubelius verteenwoordig die o.15 span terwyl Deon Horne, Gustav Lubbe en De Wit Botma die o.17 span se vlag om hoog hou in Port Elizabeth. Swem of sink, hardloop of jy is agter. Die manne maak die swembadwater brander en vlieg loshande onder hulle teenstanders uit.

Deon Horne, Gustav Lubbe,  Hanré Jubelius, Markus Viljoen, De Wit Botma en Roelof le Grange.