ONDERSTEUNERSKLUB SOOS MIN
Die Oakdale-Ondersteunersklub is saamgestel uit ouers vanuit die George-, Mosselbaai-, Knysna-, en Oudtshoorn omgewing. Hierdie groep entoesiastiese ouers bied jaarliks drie groot projekte aan ten einde fondse vir die skool in te vorder.
Jaarliks rol die wiele op die sandduine by Vleesbaai tydens die uiters gewilde Oakdale 4×4 projek. ‘n Rekordgetal inskrywings van 130 voertuie is per geleentheid al ontvang. In sonskynweer neem deelnemers sover as Stellenbosch en Kareedouw aan hierdie projek deel. .
Die jaarlikse dans in die 4 Brothers-skuur op George is die tweede projek wat die ondersteunersklub aanbied. Die gewilde dans lok jaarliks ongeveer 600 gaste en is seker tans een van die grootse sosiale geleenthede in die George-omgewing. Lancewood Holdings was by verskeie geleenthede al die hoofborg van die geleentheid. Die dans word veral baie goed ondersteun deur die gemeenskap van die Suid-Kaap.
Nog ‘n projek op die Ondersteunersklub se kerfstok is ‘n jaarlikse Gholfdag waarna menige gholf-entoesias uitsien.
Oakdale het groot waardering vir hierdie groep entoesiastiese groep ouers wat ‘n toonbeeld is van hoë doelwitstelling. Hul deelname en optrede getuig van absolute lojaliteit en liefde vir die skool en sy leerders. Die skool is baie trots op hulle, asook baie dankbaar vir hul harde werk en toewyding.
