2025

Krieket bly ‘n gewilde somersport met drie o. 19-, asook vier o. 15-spanne wat weekliks kompeterend speel. Ons het tans twee o. 18- en drie o. 15-spanne wat in die Saterdag Super-liga speel. Die o. 19C-span en o.15D-span speel in die plaaslike weekliga in T20-formaat.

Die eerstespan neem aan die Wildeklawer pro-20-toernooi in Kimberley deel, asook Punt Krieketfees. Die o. 15-span neem aan Paarl Bois High Krieketfees, asook die Somerset College toernooi deel. Beide spanne onderneem ook ‘n kort toer na Worcester en Ceres.

Corné Kennedy en Harry Venter het provinsiale kleure verwerf en het aan die nasionale weke gedurende Desember 2024 deelgeneem.

Graag bedank ons die krieketakademie onder leiding van mnr. James Brown wat ons seuns persoonlike vaardighede leer. Sy bydrae sal gemis word . Dank en lof aan die afrigters wat lang ure in die son afrig en as skeidsregters optree.

2024

Krieket bly ‘n gewilde somersport met drie o. 19-, asook drie o. 15-spanne wat weekliks kompeterend speel. Ons het tans twee o. 18- en drie o. 15-spanne wat in die Saterdag Super-liga speel. Die o. 19C-span speel in die plaaslike weekliga in ‘n T20-formaat.

Corné Kennedy het provinsiale kleure verwerf en het aan die nasionale weke gedurende Desember 2023 deelgeneem.

Graag bedank ons ook die krieketakademie onder lyding van mnr. James Brown wat ons seuns persoonlike vaardighede leer. Dank en lof aan die afrigters wat lang ure in die son en veld afrig en as skeidsregters optree.

Die skool se o.15A- en Eerste spanne het gedurende die Septembervakansie aan toernooie deelgeneem in Kaapstad en die Hoërskool Punt toernooi. Oakdale se eerste span is uitgenooi na die Diamandveld Kriekettoernooi waar daar verskeie T-20 wedstryde gespeel is teen skole soos Grey Kollege, Hoërskool Kalahari, Paul Roos, Monument en Hoërskool Nelspruit.