Oakdale beskik oor vyf krieketspanne wat deelneem aan verskeie ligas in die SWD. Die eerstespan het reeds die Pro20-liga, asook die Superliga in die SWD gewen. Oakdale het so pas met ‘n Krieketakademie begin wat bydra tot die vestiging van krieketvaardighede. Die binneshuise krieketfasiliteit sal daartoe bydra dat die akademie ook in wintermaande bedryf kan word.
Jesse Adams, graad 8-leerder, is ingesluit in die SWD o.15-krieketspan vir deelname aan die CSA Nasionale Krieketweek vanaf 8 – 12 Desember 2016 in Potchefstroom. Hierdie jong krieketspeler het ook reeds vanjaar sy buiging vir die eerste krieketspan gemaak.