Oakdale beskik oor sy eie tennisakademie, ondersteun deur mnr. Wimpie Helmand van die Overberg Tennisakademie. Verskeie oefengroepe oefen reg deur die wintermaande om Oakdale-tennis op ʼn uiters hoë platform te plaas. Spreiligte op drie van die ses tennisbane dra daartoe by dat oefensessies ook saans aangebied word.

Oakdale neem jaarliks deel aan die Tjaart Vorster-tennistoernooi op Cradock en die Gerrie Berner toernooi by Paul Roos Gimnasium in Stellenbosch.

Oakdale wen vanjaar (2020) die somer Interskole teen Boland Landbou hier op eie bodem.